Emri i pjestarit më të ri të familjes Kardashian- West i përmbushi të gjitha pritshmëritë tona; një bebe me emrin Psalm!
Emrat e gjithë fëmijëve të Kim-it dhe Kanye-s janë padyshim të veçantë: North West, Chicago West, Saint West, por Psalm West mund të jetë ndoshta më i çuditshmi nga të gjithë.
Sidoqoftë, rreth dy javë nga ardhja e tij në jetë, Kim ka vendosur të kërkojë mbrojtjen me ligj të emrit Psalm West.
Sipas burimeve për “E! News”, kompania e Kim Kardashian kërkoi mbrojtjen e emrit të fëmijës vetëm një ditë pasi e bëri atë publik. Pra mesa duket, priti ca sa ta bënte publik pasi dokumentat nuk paskan qenë ende gati.
Dokumenti përfshin përdorimin e emrit Psalm West në biznese që nga aksesorët për flokët, tek kalendaret, librat, revistat dhe veshjet! Shkurt, Kim ka ndërmend të krijojë një perandori me emrin e të birit ose së paku, pret që ai të rritet po aq ambicioz dhe sipërmarrës sa prindërit e vet.
Ai erdhi në jetë më 8 maj nga një nënë surrogate dhe Kim priti 11 ditë derisa njoftoi emrin e tij përmes një postimi në Twitter.
