Dje, “Soiree” në “Top Channel” iu dedikua karrierës së Alban Skënderajt.
Të ftuar ishin miq dhe familjarë të kantautorit dhe sigurisht, nuk mungoi Miriam Cani dhe as babai i tij, Qerim Skënderaj.
Pati shumë muzikë, këngë të Albanit si edhe histori të bukura të njerëzve të afërt për kantautorin, ama paskësh patur edhe një deklaratë që e presim prej kohësh nga Miriami dhe Albani.
Ndërsa zoti Qerim po shprehte krenarinë sesi i biri i ka bërë gjithë gjërat në kohën e vet: karrierën, familjen; gazetari Eraldo Rexho ndërhyri për të kujtuar se Albani dhe Miriami nuk janë martuar ende.
“Do të vijë edhe ajo shpejt. Mos u shqetëso!”, ishte përgjigja e Miriamit.
Edhe pse ata kanë një vajzë 3 vjeçe, Ameli, kanë vendosur të mos ndjekin modelin klasik të martesës para prindërimit.
Viteve të fundit, është përfolur shpesh se kur do të martohen Albani dhe Miriami dhe ata nuk kanë lënë vend pa thënë se martesa do të vijë kur ta ketë kohën, e megjithatë diçka e tillë nuk ka ndodhur akoma.
Po të kish ndodhur, do e kishim marrë vesh… apo jo?
