Në prill, një video e Arbenitës ngjalli aludime se modelja dhe partneri i saj Fero, mund të ishin në pritje të një fëmije.
Por, Fero i mohoi kategorikisht duke u shprehur se janë tepër të rinj, dhe se kur t’i vijë koha, do sigurohet që ta marrin vesh të gjithë.
“Këto janë gënjeshtra. Jemi 21 vjeç. As që e kam menduar ndonjëherë, por i kam parë ato lajmet pa lidhje. S’do e kisha fare problem ta thoja, do kisha dalë dhe do e kisha treguar”, u shpreh reperi i ftuar në emisionin “72 sen” me Meriton Mjekiqin.
Por sot, Arbenita vendosi të tregojë në Instagram se sa e bukur do të ishte vajza e saj.
Në një foto ku ka përdorur filtra që e bëjnë të duket si vajzë e vogël, ajo shkruan:
“Mos është vajza ime kjo?”
Dhe jo vetëm: modelja tregoi edhe ç’king do të ishte djali i saj.
Mund të mos kenë në plan të kenë fëmijë së shpejti, por lidhja mes Feros dhe Arbenites duket se po bëhet përherë e më serioze, së paku sepse një vit më parë Fero shprehej në intervista se s’kishte ndërmend të krijonte lidhje jetëgjata.
Sot, jo vetëm nuk e ka problem të postojë foto me të dashurën modele, por edhe i ka dedikuar një këngë, siç paralajmëroi në një postim ku e konsideroi dhuratë e vonuar Shën Valentini.
