Sa i takon medias, duket sikur ka më shumë kurreshtje për emrat e bebeve të Kim Kardashian, sesa për lindjen e tyre.
Në hetimin e koduar “Emrin e cilit kontinenti do t’i vendosë Kim fëmijës?”, mediat amerikane kanë kapur një detaj që duket se zbulon emrin e djalit të porsalindur, një emër më i pazakontë se të gjithë fëmijëve të tjerë Kardashian- West.
Kim Kardashian West/Instagram
Postimi i Kim Kardashian në Twitter pak ditë më parë, ku vendosi ikonën e një arushi, i ka bërë ndjekësit të besojnë se ikona, tregon emrin e më të voglit të familjes.
Pra, Bear West- Arushi West.
— Kim Kardashian West (@KimKardashian) May 11, 2019
Një tjetër opsion shumë i preferuar nga fansat është edhe Teddy West- si arushi Teddy.
Më parë, në një intervistë me Jimmy Kimmel, Kim zbuloi se ishte në dyshim për emrin që do t’i vinte vogëlushit, i cili u mbart dhe u soll në jetë nga një nënë surrogate.
Mirëpo, emri që kishte menduar- Rob, si i vëllai ose si shkurtimi i emrit të babait- Robert- nuk i përshtatej me emrat e fëmijëve të tjerë, të cilët janë të gjithë të çuditshëm.
Vajza e madhe quhet North West- po ta përkthesh në shqip: Veri- Perëndim.
Fëmija i dytë quhet Saint West- po ta përkthesh në shqip: Perëndimi i Shenjtë.
Vajza e dytë e çiftit quhet Chicago West- po ta përkthesh në shqip: Perëndimi i Chicago-s.
Dhe nëse djali i dytë i çiftit do të quhet Arush Perëndimi, s’do ishte çudia më e madhe në botë.
