Siç ishte paralajmëruar ka nisur protesta e pestë kombëtare nga ana e opozitës dhe pavarësisht motit të keq, protestuesit ende nuk janë tërhequr.
Si pasojë e shiut të furishëm komplet Bulevardi është mbushur me çadra.
Si në të gjitha protestat e tjera edhe sot kryedemokrati Lulzim Basha ka mbajtur një fjalim, ndërkohë thuhet se protestës i janë bashkuar edhe banorët e Unazës së Re.
Protesta nuk ka qenë aspak paqësore dhe protestuesit kanë hedhur herë pas herë tymuese dhe kapsolla në drejtim të Parlamentit ndërkohë duke qenë se efektivët e policisë që ishin vendosur përpara kryeministrisë nuk kishin masa mbrojtëse, janë detyruar të largohen.
Detaje të reja nga protesta pritet që të bëhen publike në vijim. /balkanweb.com
