Enca ka ditë që paralajmëron projektin e ri, të cilin e ka konsideruar superhitin e verës.
Sot, këngëtarja zgjodhi të tregohet e mistershme në lidhje me se kush do të jetë artisti me të cilin ka bashkëpunuar, duke zbuluar imazhe nga videoja e re dhe titullin e këngës, “Hajde”.
‘”Hajde” feat??? – Coming soon’, shkrujti Enca në postimin në Instagram.
Duket se 23-vjeçarja ka zgjedhur të bashkëpunojë me reperin MC Kresha, sipas burimeve për “Prive”.
MC Kresha, ndër liderat e grupit “PINT”, para pak muajsh surprizoi me bashkëpunimin me Fifin tek “Kënga Magjike”. “Psikopatia ime”, u shndërrua në një hit, duke bërë bashkë krijimtarinë e Filloreta Raçit, një prej kantautoreve më të vlerësuara të muzikës pop dhe MC Kreshës, i cili shpesh konsiderohet si një ndër reperët më të mirë të skenës shqiptare.
Por, duket se Kresha mund të ketë vendosur të surprizojë sërish, duke bashkuar forcat këtë herë me Encën në një hit vere.
Enca publikoi dje edhe një pjesë nga hyrja e këngës “Hajde”, duke shkruar: “Kush po e pret?”
