Pas protestës së opozitës mbrëmjen e kaluar, e cila zgjati për disa orë me radhë ka reaguar Policia e Shtetit duke pohuar zyrtarisht se janë proceduar 84 qytetarë për aktet e dhunshme ndaj efektivëve të policisë. Po ashtu raportohet se ndër to, 50 persona janë arrestuar.
“Pjesëmarrësit në tubim kanë kundërshtuar, goditur me mjete të forta, fishekzjarre, tymuese dhe sidomos tek Kryeministria e Parlamenti me bomba molotov punonjësit e Policisë, të cilët kanë qenë të planizuar me shërbim. Nga goditjet, kundërshtimet dhe përdorimi i lëndëve piroteknike, sendeve të forta dhe bombave molotov kanë mbetur të plagosur 16 punonjës të Policisë, të cilët morën ndihmën në spitalin e Traumës”, thuhet ndër të tjera në njoftimin e policisë.
Aktualisht po punohet për identifikimin e personave të tjerë të dyshuar për kryerjen e veprimeve të kundraligjshme në protestën në fjalë. /balkanweb.com
