Një studente i ka hedhur bojë të zezë në kokë rektorit të Universitet të Shkodrës “Luigj Gurakuqi”, Adem Bekteshi i cili ndodhej në senatin e Universitetit.
Kur do të niste mbledhja e Komisionit të Etikës për të marrë një vendim kundër studentëve që më 3 prill të këtij viti thyen xhamat e Fakultetit Ekonomik dhe Juridik në Shkodër, Pranera Paci, studente në Fakultetin e Drejtësisë në Universitetin e Shkodrës, ndërhyri menjëherë.
Pas ngjarjes së prillit, rektori i Universitetit Adem Bekteshi i quajti sulmet e studentëve sjellje prej vandalësh.
Studentët thanë se ishin revoltuar për shkak të vonesës për hapjen e godinës që ishte parashikuar në janar, sepse kjo i sillte përplasje oraresh dhe mësim me orë të zgjatura.
