Pasi lajmi se Loredana është arrestuar mbrëmjen e së martës u shpërnda kudo, reagimet kanë qenë të shumta dhe disa janë pozicionuar në krahun mbrojtës të reperes, e disa të tjerë kanë dalë kundër saj.
Rikujtojmë se mbi të rëndonin akuzat se ka mashtruar dhe kërcënuar një çift zviceran duke i zhvatur rreth një milion franga së bashku me të vëllanë.
Pak më parë, partneri i reperes, Mozzik, sapo mbërriti në Prishtinë, gjatë një prononcimi për mediat u shpreh se shumë shpejt do të flasin vetë avokatët në lidhje me arrestimin e Loredanës.
Ndërkohë, së fundmi është bërë publik një reagim nga këngëtari i njohur Labinot Tahiri i cili ka shprehur hapur mbështetjen e tij për çiftin e njohur: “Qëndroni të fortë se drejtësia vonon dhe prapë do bjerë në vend. Ne besojmë në ju. Deri sa dikush gëzohet, unë mendoj më larg se deri te hunda. Unë nuk shkruaj për like, shkruaj me zemër! Prisni se e vërteta do të dalë ndryshe. Zoti qoftë me ju!”
