Veshjet në Met Galanë e këtij viti dolën vërtet jashtë pritshmërive të gjithsecilit prej nesh.
Si gjithnjë, ajo e cila di si të tërheqë vëmendjen dhe të kthejë kokat e të gjithëve në drejtim të saj është Kim Kardashian.
Për look-un e saj ajo është frymëzuar nga fustani ikonik i Sophia Loren tek filmi “Djali mbi Delfin” dhe realisht Kim dukej rrëzëllitëse, pooor…e dini ju se ç’ka hequr ajo për të mbajtur korsenë veshur?
Kim-i vesh korse? Për të gjithë ju që iu lindi në mënyrë spontane kjo pyetje, përgjigja është PO!
Së fundmi është bërë publike një video e saj nga “Vogue” dhe në një sekuencë të caktuar Kim i drejtohet kryeredaktores së “Vogue”, Anna Wintour me fjalët: “Anna, nëse unë nuk ulem gjatë darkës, tani ti e di pse”, duke iu referuar korsesë që realisht duket super e ngushtë.
Kardashian pohoi (dy ditë përpara eventit) se ajo do qëndrojë gjatë gjithë kohës në këmbë duke folur me njerëz të ndryshëm pasi e ka të pamundur që të qëndrojë ulur për shkak të korsesë së ngushtë.
Dhe me aq sa pamë vërtet gjatë gjithë kohës në këmbë qëndroi, mbrëmjen e së hënës.
Epo, bukuria kërkon disa sakrifica!
