Një teknikë e re për të pasur vetulla me formë të bukur, po kthehet në trendin më të ri të vitit 2019.
E quajtur ndryshe si “Eyebrow Lamination”, kjo teknikë është zgjidhja për vetullat asimetrike, që i jep formë, i forcon dhe i ushqen ato me keratinë të lëngët.
Ndërkohë që tani ka hyrë rëndom si trend bukurie përdorimi i “Microblading”, duhet të dimë të bëjmë diferencën mes tyre.
Kështu, në ndryshim nga “Microblading”, “Eyebrow lamination” nuk përdor një teh të veçantë për të nxjerrë qime të holla dhe të lakuara në drejtim natyral të rritjes.
“Eyebrow lamination” është një trend i ri i 2019-s që po fiton shumë popullaritet për faktin se është më e thjeshtë si teknikë.
Efekti i saj zgjat deri në një muaj e gjysmë dhe procedura zgjidh problemin e rritjes së qimeve të vetullës në drejtime të ndryshme. Kjo teknikë rregullon formën e qimeve dhe krijon një formë të bukur të vetullës.
Pra rezultati është natyral dhe t’i thjesht u jep drejtim qimeve ekzistuese në vetull, pa qenë nevoja të shtosh të tjera. Ndryshe nga “Microblading”, kjo teknikë nuk dhemb dhe nuk gjakos lëkurën tuaj.
Hap pas hapi:
Fillimisht pastrohet zona e vetullave për të hequr të gjitha yndyrat dhe makijazhet.
Më pas i kreh vetullat në drejtimin e duhur sipas formës që duam.
Aplikohet një krem që e zbut qimen dhe na ndihmon për ta rregulluar.
Vendosim pambuk në vetulla, (të lagur fillimisht me ujë të ngrohtë) dhe i mbulojmë me një peshqir për t’i mbajtur ngrohtë.
Më pas hidhet një solucion për t’i bërë vetullat më me volum dhe densitet.
Aplikohet boja dhe hiqet më pas me pambuk të thatë. Më pas aplikohet një lëndë ushqyese për shërimin, mbrojtjen dhe hidratimin e vetullave.
Burimi: Iconstyle.al
