Një ngjarje tragjike ka ndodhur në mes të një shfaqje gjatë Javës së Modës së Sao Paulo’s, në Brazil, ku një 26-vjeçar u rrëzua dhe pak minuta më vonë ndërroi jetë në spital.
Tales Soares po ecte në pasarelë teksa papritur është rrëzuar në dysheme, prej ku iu dha ndihma e parë dhe më pas u dërgua në një spital lokal.
Pjesëmarrësit raportohet se fillimisht menduan se rënia ishte pjesë e aktrimit nga ana e modelëve, por fatkeqësisht jo.
Të gjithë të pranishmit, por jo vetëm u ndjenë keq për lajmin e trishtë dhe kanë shprehur ngushëllimet e tyre.
Marka e modës “Ocksa” ka pohuar publikisht se i gjithë stafi dhe kolegët e të ndjerit kanë mbetur të shokuar pas ngjarjes së rëndë.
Ndërkohë, aktualisht ende nuk dihet arsyeja që çoi në vdekjen e beftë të modelit.
