Gazetarja Fjodora Fjora vite më parë vendosi të adoptojë një fëmijë dhe tanimë ajo është nëna e Alteos 5 vjeçar.
Historia e saj ka qenë gjithnjë në qendër të mediave dhe prandaj deklaratës së sotme se i biri ka filluar ta pyesë për figurën e babait, nuk mund të mos na tërhiqte.
E ftuar sot në emisionin “Thumb”, Fjodora u shpreh se e vetmja pendesë që ka është se Alteo po rritet dhe pyet për figurën e babait. “Ne nuk e zgjedhim si do të vijë jeta”, shprehet Fjodora dhe prandaj përpiqet t’i shpejgojë vazhdimisht Alteos se ka familje me babin dhe mamin, familje vetëm me mamin ose vetëm me babin.
“Nuk është e thjeshtë. Çdo gjë duhet ta mendosh dy herë, edhe kur merr një vendim ndjen atë mungesën që “Shiko, ndoshta do ishte më mirë ta ndërmerrja këtë gjë bashkë me një mendje të dytë”. Mirëpo e di si është puna? Ndonjëherë, ne nuk zgjedhim si jeta jonë do vijë. Ndonjëherë zgjedhim të jemi vetëm, po fati e sjell të jemi vetë i dytë. Jemi vetë i dytë dhe unë kam mikesha të miat që s’ka rëndësi arsyeja, por tani janë mama të vetme. Për mua më me rëndësi është që ai brenda familjes sonë të vogël që ne e cilësojmë “mami, unë, daja, gjyshi, nëna…”, pra njerëzit që ai i ka shumë afër, të jetë i lumtur” .
Fjodora shpreson se kur Alteo të rritet do ta vlerësojë të gjithë këtë gjë.
Burimi: Blitz.al
