Lidhja e tyre nuk është e fshehtë që prej fundit të vitit të kaluar, pavarësisht se postimet me dedikime kanë nisur në 2019-n.
Romanca e reperit Fero dhe modeles Arbenita Ismajli ka tërhequr vëmendjen e të gjithëve, ndërsa janë të pranishëm thuajse çdo ditë me postimet në çift në rrjetet sociale.
Së fundmi Arbenita ishte përfolur për një shtatzëni të mundshme, e aluduar nga fansat e saj dhe të Feros.
Dhe kësaj pyetjeje reperi nuk mund t’i shpëtonte në intervistën e fundit për emisionin radiofonik “72 #sen”.
“Këto janë gënjeshtra, jemi 21 vjeç. As që e kam menduar ndonjëherë, por i kam parë ato lajmet pa lidhje. S’do e kisha fare problem ta thosha, do kisha dal dhe do ta kisha treguar. Unë jam shumë i vëmendshëm me veprimet e mia, në qoftë se vendos të bëj diçka do ta marrin vesh të gjithë, se edhe nëse unë dua ta fshehë diçka s’mundem, se jeta ime është në sy të të gjithëve”, tha reperi.
Çifti po vazhdon lidhjen në distancë mes Kosovës dhe Anglisë, ku Arbenita punon si modele për disa agjenci dhe marka veshjesh.
