16 maji do të jetë dita e shumëpritur ku këngëtarja Jonida Maliqi do të përfaqësojë Shqipërinë në Eurovizion me këngën e saj “Ktheju Tokës”.
Gjatë gjithë kësaj kohe, Maliqi ka qenë e hapur me publikun dhe ka ndarë me to, të gjithë dinamikat e festivalit të rëndësishëm të muzikës.
Së fundmi në koncertin që mbajti në Spanjë, Jonida shijoi edhe një mini klip që një televizion spanjoll kishte realizuar për performancat e Shqipërisë në Eurovizion. Në kujtesë na erdhën performancat e Anjeza Shahinit, Kejsi Tolës, Olta Bokës, Eugent Bushpepës, Rona Nishliut, Elhaida Danit dhe Aurela Gaçes.
Sipas Gaçes gjëja më e bukur që merr nga Eurovizioni është dashuria. Aurela që në atë kohë këndonte “Feel the Passion”, mesa duket është ndjerë pak nostalgjike dhe ka shpërdarë këtë video në llogarinë e saj në Instagram, përkrah së cilës shkruan:
https://www.instagram.com/p/Bwl-kvYgKkp/
“Sërish emocione nga Eurovision-i. Madridi dhe televizioni spanjoll kishte përgatitur këtë kartolinë që parapriu performancën e Jonidës! E lumtur që gjeta veten mes kolegëve, në atë që është një eksperiencë e madhe mes trysnisë në Shqipëri dhe dashurisë pa limit me fansat e vërtetë të Shqipes sonë e atyre ndërkombëtarë! Kam parë videot e Jonidës në turneun e saj dhe u emocionova me kujtimet e turneut ‘Feel the Passion’. Në ka diçka që ja vlen nga Eurovisioni, pa diskutim është dashuria që merr atje, kudo! Jonida Maliqi e dashur, në fund të eksperiencës, edhe mbas shume viteve, do të të ngelet shija e bukur e dashurisë që po merr . Ta kam thënë që në fillim, shijoje çdo sekondë. Me vendin tënd mbi shpatulla, gjithmonë e fortë”.
Jonida Maliqi është ndjerë tepër e vlerësuar, pas një dedikimi të tillë nga kolegia dhe i ka kthyer këtë përgjigje:
“ Ti je e rrallë, për mos të thënë Unike. Faleminderit me zemër. Krenare kur shihja artistet ndër vite pak minuta para debutimit tim. Të dua”.
Burimi: Instagram
