Era Istrefi dhe Noizy janë miq të mirë dhe këtë e kanë treguar prej kohësh.
Kështu që pas publikimit të klipit të ri të këngëtares nuk mund të mungonte dhe reagimi i reperit i cili na tregoi sesi e quan me përkëdheli Erën.
Për të gjithë ju që jeni kuriozë, Noizy e thërret “lalushi” Era Istrefin dhe kënga e re i ka pëlqyer pa masë.
Nuk është se kishim ndonjë dyshim për këtë duke qenë se ky bashkëpunim i parë mes motrave Istrefi, u prit jashtë mase mirë.
Ashtu siç na kishin paralajmëruar, motrat dhurojnë skena të nxehta në klip, ndërsa kërcejnë nën ritmet e një muzike tepër ritmike.
Klipi i titulluar “Nuk e di”, nis me Erën fillimisht dhe përmban disa skena të ndryshme, por më të veçantat janë ato kur motrat Istrefi shfaqen bashkë.
