Papa Françesku vendosi që të sqaronte arsyen pse u hiqte dorën njerëzve, që tentonin t’i puthnin unazën papale në shenjë respekti.
Ai mësohet se e bëri këtë veprim nga frika e përhapjes së mikrobeve.
Zëdhënësi i Vatikanit, Alessandro Gisotti, tha të enjten se Françesku ishte i shqetësuar për higjienën, kur pas meshës të hënën u përshëndet nga besimtarët.
Videoja pushtoi rrjetet sociale dhe kritikët e cilësuan si një mosrespektim të traditës nga ana e Papës.
Gisotti deklaroi se nuk ishte aspak diçka e tillë. Ai vuri në dukje se Françesku është i lumtur të përshëndetet nga grupet e vogla, siç bëri të mërkurën kur shumë persona puthën unazën e tij.
Lëvizja përçau njerëzit brenda Kishës, pasi disa besonin se Papa duhet t’u lejonte njerëzve privilegjin, ndërsa të tjerë thoshin se është një praktikë e vjetër, nga koha kur papët kurorëzoheshin si monarkë.
Burimi: Daily Mail
