3 persona kanë përfunduar në pranga për vrasjen e 26-vjeçarit Jurgen Kurti, ndërkohë së fundmi gjykata ka dhënë vendimin për të arrestuarit.
Mbi këta të fundit rëndon akuza “Vrasje me paramendim e kryer në bashkëpunim”, “Prodhim dhe mbajtje pa leje të armëve luftarake” dhe “Prodhim dhe shitje të lëndëve narkotike.”
Rikujtojmë se Kurti u ekzekutua më 18 mars, rreth orës 22:30, në rrugën “Zef Jubani”, teksa po shkonte në shtëpinë e tij.
Cilët janë 3 personat që sipas prokurorisë kanë vrarë Jurgen Kurtin?
Ata janë 21-vjeçari Elsi Levendi i cili ka lindur në Athinë/Greqi dhe banonte në Tiranë; 33-vjeçari Alesio Berberi i cili ka lindur në Patos dhe 22-vjeçari Olsi Qalliaj i cili ka lindur në Fier dhe banonte në Patos.
Ndërkohë është edhe një tjetër person i cili është shpallur në kërkim. Raportohet se ai quhet Klodian Bana.
Mirëpo si kanë reaguar të arrestuarit në sallë ditën e sotme?
Thuhet se 3 të rinjtë kanë heshtur para trupës gjykuese, pa thënë asgjë.
