Nëse jeni harraq, filmat dhe televizioni ju kanë bërë të besoni se keni mungesë të inteligjencës.
Sidoqoftë, një studim i ri i kryer nga Universiteti i Torontos zbuloi se të kesh një kujtesë të fortë është një cilësi e mbivlerësuar dhe doli në përfundimin se të jesh harraq nënkupton se je më shumë inteligjent.
“Është e rëndësishme që truri të harrojë detaje të parëndësishme dhe në vend të tyre të fokusohet në gjërat që do të ndihmojnë në marrjen e vendimeve. Janë pikërisht ato detaje nga jeta juaj që nuk kanë rëndësi dhe që mund të jenë duke iu larguar nga marrja e vendimeve të duhura”, tha profesori Blake Richland, një nga botuesit e studimit.
Në studim thuhet se harresa është ndoshta një ndihmë për ne, më shumë se një pengesë. Për shembull truri ynë harron detaje specifike për një ngjarje të kaluar, megjithatë ende mban mend ngjarjen, studiuesit besojnë se kjo na lejon të përgjithësojmë përvojat e mëparshme më mirë, në krahasim me dikë që mund të kujtojë detajet më të vogla të ngjarjes.
Burimi: Independent
