Flaka Krelani ka pranuar sot në “E Diell”, se e ka ngacmuar një futbollist.
“Po, më kanë ngacmuar futbollistë. Duke qenë se jemi në një botë të përbashkët” ka thënë Flaka, “na kanë më afër dhe kështu shkon kjo zinxhir”, ka qeshur ajo.
Ajo ia hodhi me spond fjalën Edi Manushit, për rolin e futbollistit në fushë, që ishte mbrojtës dhe ky i fundit, i sprovuar nga eksperienca e “Procesit Sportiv”, e nuhati se për kë emër bëhej fjalë, por që preferoi të mos e ndante me teleshikuesit.
Kujtojmë së motra e Flakës, Qëndresa Krelani është komentatorja e parë femër në trojet shqiptare.
Babai i Flakës, Fatlik Krelani ka qenë gjithashtu ish-futbollist i Vllaznimit, Flamurtarit, Borcit dhe Lepencit në Kosovë.
E ftuar për të folur për karrierën e saj muzikore, Flaka pasi pa fotot e babait i cili prej 15 vitesh nuk jeton më, e përlotur, e prekur dhe e kapluar nga malli për të, ka thënë se i mungon jashtëzakonisht shumë, jo vetëm asaj, por edhe pjesës tjetër të familjes.
“Dua shumë që ai atje ku është ta shohë sesa kemi ecur, është shprehur e emocionuar Flaka, “të gjitha sfidat që i kemi përballuar deri më tani, e kemi bërë vetëm për atë që ta lumturojmë atje lart ku ai ndodhet”, përfundoi ajo.
