Era Istrefi ka publikuar këtë të premte hitin e ri “Selfish”.
Këngëtarja e njohur shqiptare vjen në bashkëpunim me dy dj-ë të njohur, Dimitri Vegas & Like Mike.
Klipi hapet me këngëtaren që ndodhet e shtrirë në një dysheme të mbushur me gota plastike pas një feste të çmendur që ka organizuar.
Këngëtarja mban veshur një kostum të markës Versace dhe për pamjen e saj është kujdesur stilisti i njohur Justin Lynn.
Pak ditë më parë, Era prezantoi këngën ritmike në një skene të madhe ku shfaqej duke performuar.
Tepër ritmike dhe e fuqishme, jemi të sigurt që kjo do të jetë kënga e preferuar e club-eve në Shqipëri e Kosovë gjatë sezonin veror.
Sukseset nuk po ndalin për këngëtaren shqiptare, pasi këtë vit ajo do të performojë edhe në kampionatin botëror të futbollit për femra, që do të zhvillohet më 7 qershor- 7 korrik 2019 në Paris.
