Shkaku i vdekjes së një 75-vjeçare një ditë më parë ishte virusi AH1N1. E moshuara, e cila ndërroi jetë në spitalin e Sanatoriumit “Shefqet Ndroqi”, është viktima e katërt e konfirmuar nga gripi.
E moshuara vuante edhe nga një sëmundje bashkëshoqëruese, si pneumonia, ndërsa lajmi konfirmohet për “Balkanweb” nga mjekja Silvana Bino.
Mbrëmjen e djeshme, në Sanatorium humbi jetën edhe një 37-vjeçar nga Elbasani, identiteti i të cilit ende nuk bëhet me dije. Ai ishte shtruar në spital prej një javë me pneumoni në 2 mushkëritë. Ndërsa përgjigja për AH1N1 doli negative.
Ndërkohë prej javësh ka nisur apeli për t’u vaksinuar pavarësisht moshës.
