Ndërsa mësuam gjithçka për bashkëjetesën e Justin Bieber dhe Hailey Baldwin, ja më në fund diçka që nuk dinim për modelen.
Mos qeshni, por ajo përdor produktin më të papritur që keni imagjinuar ndonjëherë për një lëkurë të pastër dhe të lëmuar.
Prej pak kohësh ajo shprehet se po përballej me një lëkurë me akne.
“Mendoj se ndonjëherë, ashtu si hormonet, nuk mund t’i kontrollosh aknet. Gjatë muajve të fundit, kam nisur të përdor kontraceptivë, gjë që nuk e kam bërë kurrë më parë dhe kjo ndikoi shumë në hormonet e mia dhe lëkura ime nisi të më shfaqte probleme”, tregoi Hailey për “Refinery29”.
Megjithëse kishte disa akne, ajo u përpoq që ta mbante lëkurën sa më të pastër dhe për këtë përfshiu produktet për bebet.
“E mbaj fytyrën e pastër dhe pi shumë ujë. Dhe kam gjetur një krem kundër skuqjes nga pelenat, që duket se funksionon në mënyrë perfekte me njollat dhe aknet. Por edhe për rrathët e zinj poshtë syve”, tregon modelja.
Burimi: Cosmopolitan