Periudha e shtatzënisë ka 1001 mënyra për ta shndërruar në një pritje të ëmbël e të paharrueshme. Përmes fotografive apo videove ti mund të ruash përjetësisht çdo ndryshim që ndodh me format e trupit tënd dhe konkretisht me barkun.
Moderatorja Elita Rudi sapo na solli në vëmendje një trend të ri që po përhapet me shpejtësi edhe në vendin tonë. Fjala është për përdorimin e argjilës së bardhë e cila vendoset tek zona e barkut. Ajo mbahet për disa minuta dhe në fund hiqet. Kështu Elita, por edhe çdo mama tjetër do të ruajë formën e barkut të saj në një muaj të caktuar të shtatzënisë.
“Kush e ka provu”? pyet Elita, të cilën edhe pak javë e ndajnë nga sjellja në jetë e foshnjës së saj. Elita ka qenë aktive në rrjete sociale gjatë kësaj periudhe ku i ka zbuluar fansave shumë gjëra për shtatzëninë.
Me siguri nëse je një nënë në pritje dhe ende nuk e ke përqafuar një trend të tillë, do të rendësh për ta provuar dhe ndarë me të tjerët përshtypet tuaja.
