Kryeministri Edi Rama ishte i ftuari i radhës në emisionin “Xing me Ermalin”. Gjatë kësaj interviste ai zbuloi edhe pamje nga shtëpia e tij e shumëpërfolur në Surrel.
Por ajo që askush nuk priste ishte arredimi i kësaj shtëpie, pasi nuk paraqiste asnjë detaj luksi përkundazi duket si ndërtesë e papërfunduar mirë.
“Shtëpia është shumë e rehatshme, nuk ka nga ato sulltanatet me luanë, elefantë, krokodilë e delfinë. Nuk i dua ato, nuk dua ato pllakat që kur futesh në shtëpi të duket sikur futesh në disko” – tha Rama.
“Unë në një moment do të tërhiqem nga kjo punë dhe do të merrem me art, me krijimtari, prandaj ideja është që nesër ky të jetë vendi ku unë do të merrem me krijimtari. Shtëpia u bë falë gruas se po të mos ishte ajo nuk bëhej. Unë përgjithësisht kam jetuar me teorinë që vijmë dhe ikim vetëm nga kjo botë. Por kur martohet njeriu, bëhet me fëmijë, mblidhet. Ishte merita e Lindës që u bëra me shtëpi” – shtoi më tej kryeministri.
