Disa muaj pas rehabilitimit për shëndetin mendor në spital, Selena Gomez shfaqet në “Instagram” dhe duket shumë e lumtur dhe shumë e relaksuar. Madje, këngëtarja e hitit “Back To You” ka nisur pushimet dimërore me miqtë e saj në Big Bear në California, për të shijuar jetën.
Burime për revistën “People” konfirmojnë se Selena ndihet shumë më mirë dhe është fokusuar vetëm tek shëndeti i saj.
“Ajo ndihet shumë më mirë dhe po i kthehet normalitetit. Selena po kalon kohë me familjen dhe miqtë” – tha burimi.
Në fotot e bëra publike, Selena shfaqet duke buzëqeshur me miqtë e saj, përpara se të niseshin të bënin ski. Madje, mediat raportojnë se këngëtarja ka shtuar edhe në peshë dhe duket më mirë se kurrë!
Selena u shtrua në spital në fund të shtatorit pasi kishte probleme shendetësore me numrin e qelizave të gjakut që lidhej me transplantin e veshkave të saj në 2017. Ajo donte të largohej nga spitali, por mjekët nuk e lejuan pasi shëndeti i saj nuk po përmirësohej. Gjatë kohës së qëndrimit në spital, u tha se ajo kaloi në krizë emocionale dhe si pasojë u desh të merrte një trajtim mjekësor në një strukturë psikiatrike të Bregut Lindor.
