Të gjithë gazetarët shqiptarë që paditen nga qeveria do t’u ofrohet mbështetje ligjore falas, përmes një avokati. Kjo ndihmë vjen nga Qendra Evropiane për Lirinë e Shtypit dhe Medias (ECPMF) e mbështetur nga Bashkimi Europian me qendër në Gjermani.
Sipas një njoftimi për shtyp, lajmërohet se do të mbështesë çdo gazetar, përfshirë edhe ata shqiptarë, me shpenzime të plota për avokatët apo ndihmën ligjore, nëse ata paditen në gjykatë nga autoritetet shtetërore. Organizata thekson se do të mbështesë çdo gazetar, kudo që punon apo jeton ai.
“Veprimet e fundit të disa qeverive në miratimin e ligjeve që kufizojnë të drejtën për lirinë e shprehjes dhe lirinë e mediave, shihet e arsyeshme se ka nevojë për avokim kundër këtyre ligjeve ose për të përmirësuar legjislacionin ekzistues. Gazetarët e pavarur, blogerët, aktivistët, avokatët e lirë, organizatat joqeveritare dhe mediat, veçanërisht ato që veprojnë në vendet me qeveri më kufizuese, mund ta kenë të vështirë të gjejnë ekspertizën ligjore dhe të paguajnë mbështetje të përshtatshme ligjore. Organizatat që monitorojnë qeveritë dhe parlamentet mund të kenë gjithashtu nevojë për ekspertizë ligjore për të argumentuar legjislacionin më të mirë. ECPMF ofron dhe koordinon mbështetjen ligjore për çështjet që lidhen me fjalën e lirë për individët dhe organizatat që punojnë në vendet që ndodhen gjeografikisht në Europë”, thuhet në njoftimin e organizatës.
Organizata ofron një formular të thjeshtë që mund të plotësohet nga çdo gazetar që ka nevojë për para për të paguar avokatin, nëse ai është paditur nga autoritetet qeveritare apo shtetërore. Kliko këtu për formularin.
