Të apasionuarit pas aksesorëve dhe bizhuterive moderne kaluan dje orët më fantastike.
Eventi i organizuar nga dyqani “Swarovksi” në QTU në autostradën Tiranë-Durrës, mblodhi të famshëm nga bota e televizionit dhe modës, por edhe adhurues të bizhuterive dhe kristaleve, që ndjekin gjithmonë trendin e fundit të aksesorëve.
Festa nisi rreth orës 15:00 dhe vijoi deri në orën 19:00, ndërsa “Swarovski” i mirëpriti të ftuarit me pije, koktej dhe muzikë në sfond, për t’i prezantuar me koleksionet më të fundit të bizhuterive, veçanërisht atë “Christmas Collection”.
Varëse, byzylykë, vathë, setet me bizhuteritë më moderne, artikujt dekorues për shtëpinë që ju bëjnë të përjetoni magjinë e festave, ishin në mesin e aksesorëve që tërhoqën vëmendjen e të ftuarve VIP, në dyqanin e “Swarovski”-t, në qendrën tregtare QTU.
“Swarovski” u kujdes që të ftuarit të zgjidhnin aksesorin që jo vetëm ju pëlqente, por dhe u shkonte me stilin. Surpriza nuk u mbyll me kaq, pasi, klientët besnikë të dyqanit përfituan 20% ulje për aksesorët e preferuar, që do të kthehen në dhuratat e tyre të preferuara në këtë prag festash.
Por kush ishin miqtë e “Swarovski”-t, që morën pjesë në këtë event?! Si zgjodhën të vishen? Më poshtë do të shihni disa nga të pranishmit:
Orinda Huta
Eraldo Rexho
Sarah Berisha
Odeta Banushaj
Manjola Begolli
Xhani Shqerra
Stela Sallaku 
Florian Agalliu
/Iconstyle.al
