Këtë vit Ardit Gjebrea do të shoqërohet gjatë prezantimit të festivalit “Kënga Magjike” nga Bora Zemani dhe balerina Klaudia Pepa.
Lajmi u konfirmua të dielën e 4 nëntorit gjatë emisionit “E diela shqiptare”, në të cilën balerina e njohur shqiptare bëri një lidhje direke.
Për 20-vjetorin e festivalit “Kënga Magjike”, Klaudia tha se nuk do të vijë e vetme, por do të shoqërohet nga një ushtri me 12 balerinë profesionistë të “Mediaset”.
Ditën e djeshme ajo u shpreh sesi ndihet për këtë arritj, që do t’i shtohet karrierës së saj në televizion:
“Përshëndetje miq. Si ju duket lajmi i festivalit “Kënga Magjike”? Kënga Magjike ka qenë gjithmonë një pjesë e bukur e jetës sime, kam marrë pjesë shpesh si balerinë dhe ëndërroja që një ditë të isha prezantuese dhe balerinë në të njëjtën kohe dhe ja…Faleminderit stafit dhe Ardit Gjebreas. Faleminderit familjes sime që beson gjithmonë tek unë! E lumtur që do jem afër jush. Mezi pres”.
Ndërsa ajo ka treguar talentin e moderimit në Itali, kjo eksperiencë në Shqipëri për të do të jetë e veçantë.
Burimi: Facebook
