Relaksimi në llixhat e Elbasanit përfundoi në tragjedi për një 65-vjeçare nga Kosova. Mësohet se e moshuara u gjet e pajetë nga bashkëshorti i saj, i cili pësoi gjendje shoku pasi u përball me skenën e rëndë.
Sipas raportimeve, bashkëshorti i së ndjerës kishte dalë për një shëtitje dhe pasi ishte kthyer në hotel 65-vjeçarja nuk i përgjigjej thirrjeve për t’i hapur derën, të cilën më pas vendosi ta shkelmonte.
Çifti nga Kosova, sipas burimeve të “BalkanWeb” kishte ardhur për kurim 10-ditor në Banjat termale të llixhave të Treganit, në Elbasan. Deri më tani nuk dihet se çfarë e ka shkaktuar vdekjen e 65-vjeçares, ndërsa ka filluar hetimi për zbardhjen e rrethanave.
Pas ngjarjes, bashkëshorti i saj u dërgua me urgjencë në Spitalin e Tiranë, ndërsa trupi i të ndjerës në Morgun e Qendrës Spitalore Elbasan.
Burimi: BalkanWeb
