Kryeministri Edi Rama ka shkarkuar sot nga detyra Avokaten e Shtetit, Alma Hicka.
Artur Metani do të jetë Avokati i ri i Shtetit, i propozuar nga ministrja e Drejtësisë, Etilda Gjonaj, ndërkohë që emërimi është bërë nga kryeministri Edi Rama.
“BalkanWeb” shkruan se këto lëvizje janë bërë para pak ditësh. Metani aktualisht po merr pjesë në mbledhjen e Komisionit të Ligjeve me statusin e Avokatit të Shtetit.
Pas largimit nga posti i Avokates së Shtetit, Alma Hicka pritet të marrë një detyrë tjetër në sistemin gjyqësor.
Sipas burimeve për “Droni.al” ajo do të shkojë në Gjykatën e Lartë në një detyrë të rëndësishme.
