Nuk ka njeri të pagabueshëm, edhe sikur nën gatishmërinë tënde të jenë dhjetëra persona. Dukeshës së Sussex-it i shpëtoi një detaj në veshjen e saj, ndërsa mbërriti në Tonga me fustanin e gjatë të kuq.
Shtatzëna Meghan Markle kishte të varur në fustan etiketën e fustanit të “Self Portrait”, ndërsa eci në tapetin e kuq me muzikën e luajtur nga këngëtarët vendas në sfond.
Fustani me lule, i cili kushton 444 dollarë, ishte zgjedhur nga Meghan në nder të ngjyrës së kuqe të flamurit të Tonga-s.
Ajo kishte zgjedhur ta kombinonte me një kuletë “Christian Dior” dhe këpucë “Manolo Blahnik”.
Pavarësisht gabimit të rrallë të saj në veshje, duke lënë etiketën e varur në pjesën e fundme të fustanit, 37-vjeçarja dukej e mrekullueshme teksa ecte për dore me Princin Harry.
Çifti mbretëror u prit në vend nga Lartmadhëria e saj, Princesha Angelika Latufuipeka, fëmija e vetme e Mbretit Tupou VI dhe e Mbretëreshës Nanasipau’u Tuku’ah.
Më pas Meghan shkëlqeu me fustanin e zgjedhur për darkën me familjen mbretërore. Ajo kishte zgjedhur një fustan të gjatë të bardhë nga Theia Couture.
Burimi: Daily Mail
