Aktori i humorit, Bes Kallaku, arriti që të kthente gjyshen e tij, Ijen, në një nga personazhet më të dashur për publikun. Pasi e zgjodhi ta shoqëronte në emisione apo ta bënte pjesë të postimeve të tij, humoristi vendosi që të hapte një profil në “Instagram” për të.
Ija u kthye shumë shpejt në një nga personat më të ndjekur në rrjetin social, por prej muajsh nuk është më aktive.
Dhe arsyen e këtij vendimi na e jep vetë nipi i saj, i cili postoi një foto nga mesazhet e shkëmbyera me të gjyshen në “WhatsApp”.
Ndërsa Bes Kallaku e pyet përse nuk ka qenë aktive kohët e fundit në Instagram, ajo tregon se ka qenë duke përgatitur vajin e ullirit.
“Nuk kam pas mundësi o shpirt. Edhe shumë punë kam pas”, shkroi Ija në mesazhet me nipin, i cili e publikoi me mbishkrimin: “Arsyeja pse Ija nuk ka qenë aktive në Instagram.”
Bes Kallaku ka ndarë njëkohësisht me ndjekësit e tij një video nga momenti kur gjyshja është duke përgatitur vajin, pas vjeljes së ullinjve.
Burimi: Instagram
