Muajin e kaluar, këngëtarja Kida njoftoi mes dhimbjes dhe lotëve se personi më i shtrenjtë në jetën e saj kishte ndërruar jetë. Këngëtarja e hitit “Merri Krejt” humbi gjyshen, të cilën e kishte thërritur edhe nënë, pasi ajo e kishte rritur. Ditën e sotme, Kida publikoi në “Instastory” një video të gjyshes së saj, e cila shfaqej duke buzëqeshur me tharëse në dorë, krahas së cilës rrëfente të gjithë mallin që ndjente për ndjerën.
“Një muaj pa ty Nana, më mungon fytyra jote e bukur, më mungon gjithçka e jotja. Mendja ime më thotë se tani je në një vend të mahnitshëm. Ti e di sa shumë të dua por ndoshta nuk e di sa shumë më mungon’’, – shkruan Kida.
Disa javë më parë, e ftuar në një emision Kida u përlot teksa përkujtonte gjyshen e saj.
“Gjyshen e kam thirrur nënë. Ajo më ka rritur. Kam pasur një përkrahje shumë të madhe nga ajo që prej fillimit. Ka qenë një person që më ka suportuar shumë. Ka qenë një nga njerëzit që më ka mësuar shumë gjatë jetës dhe më ka bërë të ndihem mirë, si të gjithë gjyshet”, tha Kida.
