Hueyda El Saied është vajza e shumë talenteve! Ajo nisi karrierën e saj në televizion vite më parë, në spektaklin “12 vallëzime pa një të shtunë”.
E kemi parë ne ekran si prezantuese spektaklesh, edicionesh informative, si balerinë apo edhe piktore dhe nëse nuk do e kishte thënë me gojën e saj, nuk do e kishim besuar profesionin e saj të vërtetë. Për revistën “Who”, Hueyda El Saied ka zbuluar se ka përfunduar studimet në Fakultetin e Drejtësisë dhe është diplomuar si juriste.
“Jam juriste. Ju më njihni si prezantuese, balerinë apo piktore, por studimet e larta i kam kryer për drejtësi në ‘Fakultetin e drejtësisë’ në Tiranë. Kam bërë dy master, një për ‘Marrëdhënie Ndërkombëtare’ dhe tjetrin për të ‘Drejtat e njeriut’ në universitetin e Romës, Itali.” – shprehet Hueyda El Said.
Hueyda ka zgjedhur të jetojë së bashku me djalin e saj Gabriel në Luksemburg, ku punon në një bankë.
