“Vip Club” është emisioni që ngre siparin këtë të dielë në orën 17.00 në “Top Channel”. Moderatorja Klea Huta ka udhëtuar drejt Europës dhe Amerikës, për të zbuluar jetën e të famshmëve shqiptare rreth botës!
Por në këtë udhëtim, ajo nuk ishte vetëm, pasi shoqërohej nga partneri i saj, kompozitori Elgit Doda. E ftuar ditën e sotme në emisionin “Ftesë në 5”, ajo tregoi se në dy ditët e para po tundohej nga idea për të jetuar në Amerikë, por që shumë shpejt ky mendim u venit sepse nuk mund të jetojë dot larg Shqipërisë. Gjatë bisedës, ajo rrëfeu se një pjesë të udhëtimit e kishin kaluar në gjumë, ndërkohë që stafi argëtohej në Las Vegas.
“E mendova përpara se të shkoja dhe në dy ditët e para të udhëtimit, por jo! Ishim në Los Angeles dhe skuadra iku në Las Vegas, dhe ne të dy ishim në dhomë, duke fjetur gjumë” – u përgjigj moderatorja Klea Huta.
Ndërkohë që Klea, tregoi se fotoja ku shfaqet dorë për dore me Elgitin është ndër fotot e saj të preferuara.
“Kjo është një ndër fotot që më pëlqen më së shumti! Por e ka bërë mjeshtri Artan Korenica!” – përfundoi këngëtarja.
View this post on Instagram
