Pak minuta më parë mediat raportuan se sherri që nisi dje në një lokal në ish-Bllok dhe përfundoi me 1 të vrarë dhe 2 të plagosur, u bë për shkak të një këngëtareje të njohur.
Ndërkohë, “BalkanWeb” shkruan se policia ka shoqëruar këngëtaren e njohur Elvana Gjata pas vrasjes që tronditi Tiranën.
Gazetarja Klodiana Lala raporton se Gjata u mor në pyetje në ambientet e policisë dhe ka dalë prej 20 minutash.
Nuk dihet nëse Elvana është këngëtarja e përfolur, për sherrin që përfundoi në vrasje, por përmendja e emrit të saj si “mollë sherri” për këtë ngjarje, i ka shokuar të gjithë.
Thuhet se këngëtarja ishte në shoqërinë e të dashurit të saj biznesmen, kur disa persona, miq të Ervis Martinajt, e kanë ngacmuar duke provokuar sherrin dhe më pas palët kanë nxjerrë armët duke sjellë kasaphanën që ndodhi.
Elvana ka dhënë në polici dëshminë e saj, ndërsa burime për “BalkanWeb” pohuan se këngëtarja ndodhej në gjendje të rënduar psikologjike.
