Brad Pitt mund të ketë nisur një romancë të re në jetën e tij.
Ylli i Hollivudit ndezi thashethemet pasi është parë duke biseduar me bjonden simpatike Sat Hari Khalsa në një event në Los Angeles të shtunën.
Aktori 54-vjeçar dhe infermierja që ka shërbyer për një kohë të gjatë si “shëruese shpirtërore” për grupin Red Hot Chili Peppers, u panë mjaft rehat në shoqërinë e njëri-tjetrit.
Ata ishin ulur pranë njëri-tjetrit, duke biseduar dhe duke qeshur gjatë gjithë kohës, sipas dëshmitarëve. Megjithatë, burime të tjera pretendojnë se ata nuk janë të lidhur dhe në event nuk kishin shkuar së bashku.
Brad ka pasur disa romanca që nga divorci me gruan e dytë Angelina Jolie, përfshi këtu edhe profesoreshën, Neri Oxman e cila ka një ngjashmëri të madhe me Jolie-n.
Aktualisht ai është i përfshirë në një betejë për kujdestarinë e gjashtë fëmijëve me Angelina Jolie-n.
Sa i përket Hollivudit, Brad është duke filmuar një film të Quentin Tarantino, bashkë me Leonardo DiCaprio.
