Studio e emisionit “E diela shqiptare” nuk është ende gati, e për këtë arsye Ardit Gjebrea nuk ka dëshirë të njoftojë një datë fikse për nisjen e sezonit të ri. Mirëpo me studio apo studio, Arditi nisi “Telebingon shqiptare” në oborrin e televizionit “Klan”, nga ku njoftoi edhe të rejat më të fundit për emisionin.
Moderatori konfirmoi se do të prezantojë emisionin e “E diela shqiptare” së bashku me Bora Zemanin. Mirëpo Andresa, nuk e fshehu dot shqetësimin e saj pas lajmeve në media, se Bora do ta zëvëndësonte.
“Një gazetare shkruante se Bora do të më zëvëndësojë mua” – u shpreh Andresa.
Menjëherë Arditi sqaroi se secila ka vendin e vet në program dhe se nuk bëhet kurrsesi fjalë për zëvëndësim.
“Secila ka vendin e vet. Po ti je e pazëvëndësueshme.” – iu përgjigj moderatori.
Ndër të tjera, Ardit Gjebrea sqaroi se emisioni do të jetë shtatë orë dhe nis në orën 12.30. Në orën katër do të transmetohet rubrika “B. E Caffe”, në orën 5 do të vijohet me Eni Çobanin në “Shihemi në gjyq”, ndërsa në orën 6 është “Kënga Magjike”.
View this post on Instagram
#edielashqiptare Gati për sezonin e ri ? #aleksanderfrangaj @erion_isai @bes_kallaku @olsibylyku1
