Një 22-vjeçar është përplasur për vdekje në një nga rrugët e Floridës në Shtetet e Bashkuara të Amerikës, teksa po kthehej nga shkolla ditën e enjte.
Dhimitri Andoni me origjinë nga Devolli, në lëvizje e sipër në autostradë ndaloi për të ndihmuar një person tjetër, i cili ishte aksidentuar nga një motor, por më pas, u përplas nga një kamion.
Mjeti po drejtohej nga një përdorues droge, ku sipas raportimeve, ai kishte paguar lirinë për 100.000 mijë dollarë.
Pas përplasjes, drejtuesi i kamionit i rrëmbeu makinën të riut, ndërsa kamionçinën e la në një cep të rrugës duke ia mbathur nga vendi i aksidentit.
Por arratia e tij nuk vonoi shumë, pasi policia ka bërë të mundur arrestimin e drejtuesit të kamionçinës, Dana Byrd, i cili goditi për vdekje shqiptarin nga Devolli.
Dhimitri ishte një shembull për rininë shqiptare, ku krahas punës, ai ishte edhe një student i shkëlqyer në profilin e bankave, studimet e së cilës do i mbyllte në muajin qershor.
Vellai i të ndjerit tha për “BalkanWeb” se ishte shoku i tij, ai i cili lokalizoi makinën e vëllait me GPS, në kohën kur nuk dinin asnjë adresë për njeriun e shtëpisë.
Burimi: BalkanWeb
