Avokatët e këngëtarit Justin Bieber po negociojnë për një marrëveshje paraprake për yllin e muzikës, përpara martesës së tij me Hailey Baldwin.
“TMZ” raporton se ekipi i këngëtarit e ka këshilluar atë të bëjë gati dokumentet për të mbrojtur pasurinë e tij 250 milionë dollarëshe, para se të martohet me Hailey-n, e cila mendohet të ketë një pasuri rreth 2 milionë dollarë.
Raporti pretendon se marrëveshja është gati të nënshkruhet, dhe çifti nuk do të martohet derisa të gjitha dokumentet të jenë në rregull.
Pavarësisht se Justin dhe Hailey, i kanë marrë seriozisht zotimet e tyre, në sajë të pikëpamjeve fetare, mendohet se ata kanë pranuar të nënshkruajnë marrëveshjen.
Justin aktualisht është duke kaluar disa ditë pushimesh në Londër me Hailey-n pasi çifti ka siguruar lejen e martesës në një gjykatë në New York më 13 shtator.
Pavarësisht se teknikisht martesa është e ligjshme, modelja 21-vjeçare këmbënguli përmes Twitter-it më 14 shtator, se ajo nuk ishte “ende e martuar”.
