Po vjen ajo koha e vitit sërish dhe e kemi fjalën për shfaqjen e “Victoria’s Secret”. Përgatitjet janë gati, modelet janë përzgjedhur dhe shfaqja do të rikthehet në Shtetet e Bashkuara të Amerikës.
1.Do të mbahet në Nju-Jork.
Prej dy vitesh pasarela u mbajt jashtë Amerikës. Vjet u prezantua në Shangai të Kinës, ku disa prej pjesëmarrëseve iu mohua viza për të udhëtuar atje, përfshirë Gigi Hadid dhe Katy Perry-n. Ndërsa dy vite më parë u mbajt në Paris.
2.Modelet tuaja të preferuara do të rikthehen.
Modelet veterante rikthyen, përfshirë Lais Ribeiro, Martha Hunt, Stella Maxwell, Leomie Anderson, Cindy Bruna, Georgia Fowler, Ming Xi, Grace Elizabeth, Devon Windsor, etj.
3.Por do të ketë edhe fytyra të reja.
Winnie Harlow është një nga modelet që do të sfilojë për herë të parë për “Victoria’s Secret”.
Kelsey Merritt do të jetë modelja e parë nga Filipinet, që do të ecë në pasarelën e njohur.
Duckie Thot, Sadie Newman, Lorena Rae, Mélie Tiaco, Willow Hand dhe Yasmin Wijnaldum janë vetëm disa nga emrat e reja që iu bashkuan listës.
4.Alessandra Ambrosio nuk do të sfilojë.
Pas 17 vitesh modelimi për “Victoria’s Secret”, ajo konfirmoi vitin e kaluar se është tërhequr.
5.Pjesëmarrja e Bella Hadid, Gigi Hadid dhe Kendall Jenner s’është konfirmuar.
Ndërsa Bella sfiloi vitin e kaluar, nuk dihet nëse ajo do të marrë pjesë këtë vit, pasi nuk ka bërë asnjë postim lidhur me shfaqjen. E njëjta gjë vlen edhe për motrën e saj Gigi. Kendall u shfaq në pasarelën e 2016-s, por nuk ishte në atë të Shangait.
