“E dashuroj t’i bëj foto ushqimit”. Kjo është një nga shprehjet e Miranda Kerr dhe ne jemi 100% në një mendje me të, pikërisht tani që fotografimi i ushqimit është kthyer në modë. Por si të bëjmë që ushqimi të duket aq i shijshëm në foto sa në pjatë?
Një prej fotografëve që ka bashkëpunuar me, “SnapFood”, aplikacionin e porositjes online të ushqimit, Sonny K. Elson ka dalë në disa konkluzione si si ta bëjmë ushqimin të duket sa më tërheqës.
Ai kujton një shprehje të njohur: “Një fotografi e bukur është njësoj si një gatim i shijshëm, mund të shijohet, por asnjëherë të interpretohet me fjalë”.
Dhe mos harrojmë që fotot janë një dokument që postohet në rrjetet sociale, pa harruar mbishkrime si “Nusja e ëndrrave të tua”.
1.Ji origjinal/e
Është e vështirë të gjesh aspektin më të rëndësishëm të fotos. Një foto e mirë varet nga disa faktorë. Janë shumë të rëndësishme nga ndriçimi, tek teknologjia dhe tek vetë ushqimi. Megjithatë, gjithmonë duhet të përpiqeni t’i bëni fotografitë tuaja të duken autentike dhe të ndiqni stilin tuaj.
2.Vëre theksin te përbërësit
Ka shumë pjata që nuk janë fotografuar shumë mirë. Përbërësit me ngjyra i japin një tjetër pamje pjatës dhe mund të përmirësojnë rezultatin final të fotos. Me ngjyrat e fuqishme i japin imazhit më shumë gjallëri, sikur edhe të jetë vetëm pjesë dekorative.
3.Trego duart
Nëse duart duken në foto, ndjekësit e tu shohin pamjen nga perspektiva e fotografit. Dhe i japin fotos një element më personal. Mund t’i vendosësh duart te pjata, të mbash serviset ose të bësh rolin se je duke ngrënë.
4.Pastërtia mbi të gjitha
Duhet të sigurohesh gjithmonë që pjata është e pastër. Veçanërisht në fotot e afruara, pasi mund t’i heqin oreksin dikujt që e shikon në rrjetet sociale. Gjithashtu është mirë që të përgatisni vendin ku do ta fotografoni ushqimin.
