Pavarësisht se kanë të njëjtën origjinë, Rita Ora dhe Dua Lipa kanë treguar se nuk kanë një marrëdhënie të mirë së bashku.
Dy këngëtaret e njohura në mbarë botën, edhe pse nuk kanë folur për njëra-tjetrën në intervista, kanë një hatërmbetje që i ka fillesat nga nisja e karrierës së Duas.
Së fundmi Ora dhe Lipa kanë qenë prezente në eventin e GQ, ku Dua fitoi çmimin “Artistja më e mirë solo”.
Por e dini çfarë ndodhi pas atij eventi? Dyshja festoi me miqtë e tyre, ku ishin Diplo dhe Nicholas Grimshaw.
Ky i fundit na bëri të besojmë se ka një shans që mund të flasin me njëra-tjetrën apo edhe se mund t’i shohim së bashku një ditë.
Nicholas publikoi disa foto nga mbrëmja dhe vendndodhja tregoi se Rita dhe Dua ndodheshin shumë pranë njëra-tjetrës.
Ai pozoi krah Duas edhe më pas me Dj Diplo, ndërkohë pas pak postoi në Instagram një foto ku shihet krah Diplo-s dhe Rita Orës.
Ndoshta dy këngëtaret kanë thyer akullin mes tyre dhe ndoshta shumë shpejt mund të kemi ndonjë foto.
