Gjatë muajit korrik u denoncua zhdukja e një të riu 24-vjeçar, Elvis Troqe nga Vlora. Ditët kalojnë dhe ende nuk dihet asnjë detaj mbi vendndodhjen e tij, ndërkohë ankthi sa vjen dhe shtohet për familjarët e tij.
Mirëpo mbrëmjen e djeshme gazetari i “Report TV, Artan Hoxha ka publikuar video-n e rrëmbimit të Elvis Troqes. Në këtë video shihet 24-vjeçari duke dalë nga një lokal, pastaj ka hipur me dëshirën e tij në një makinë ku ka njohur një person, por më pas është zhdukur.
Në momentin që Elvisi ka hipur në makinë, një automjet tjetër e vëzhgonte makinën e rrëmbyesve.
Artan Hoxha rrëfeu se vetëm një muaj para zhdukjes së Elvisit ishte zhdukur edhe shoku i tij, Albano Xhaferraj. Dy shokët ishin kthyer nga Belgjika në muajin qershor.
“Automjeti ‘Benz’ është identifikuar. Autorët, rrëmbyesit gjithashtu dihet se kush janë, por nuk veprohet. Policia nuk vepron”, tha Hoxha.
