Filloreta Raçi e njohur me emrin e artit, Fifi, falë talentit dhe punës së saj ka arritur të fitojë zemrat e publikut shqiptar. Prej vitesh ajo është pjesë e tregut muzikor shqiptar dhe tashmë ka arritur të kuptoj se si funksionon industria muzikore.
Nisur nga eksperienca e saj, por edhe nga prurjet e reja që po bëhen së fundmi pjesë e tregut muzikor, Fifi ka ndarë sot një mesazh me ndjekësit e saj në Instagram. Nëpërmjet këtij statusi Fifi iu drejtohet kolegëve të saj duke iu thënë që të mos e gënjejnë veten kot për t’u bërë pjesë e tregut muzikor nëse në të vërtetë nuk kanë talent në këtë fushë.
“Kam disa kohë që kam dashur të shkruaja këtë gjë, i erdhi radha si duket… Nanusha nëse nuk e dini 100% që jeni të talentuar edhe që mundeni të çani në industri (përjashtohet fakti nëse babi, mami, daja, xhaxhi ose një kushëri i babit ka njerëz të njohur ose palët në fjalë kanë lekë),mos e gënjeni veten kot, uluni para pasqyrës dhe pyesni veten çfarë, qysh, tek. Më pas jo dy këngë, po dy albume nxirrni”, – ka shkruar Fifi në postimin e saj në Instastory.
