Një nga aplikacionet më të përdorura për komunikim online, “WhatsApp”, u bë me pagesë për bizneset të cilët do duhet të paguajnë për t’iu përgjigjur klientëve të tyre.
Kjo do të ndodhë nëse vonon të vijë përgjigja, koha maksimale është 24 orë. Mbi këtë kufi, mesazhet e dërguara do të kushtojnë. Kostoja do variojë nga 1 në 9 cent. Lajmin e ka bërë të ditur vetë gjiganti i rrjeteve sociale, Facebook në blogun dedikuar biznesit.
Ky vendim vjen pas një viti nga lëshimi i profilit të ri të biznesit, dedikuar ndërmarrjeve. Për ta bërë të mundur përdorimin e “WhatsApp”-it me pagesë, Facebook ka hedhur në treg paketën ‘’Api’’ (ndërfaqet e programimit) të cilat ndërmarrjet duhet t’i përdorin në aplikacionet e tyre apo në faqet e uebit.
Në këtë rast, bëhet fjalë për një paketë që nuk do gjenerojë kosto nëse ndërmarrja i përgjigjet klientit brenda 24 orëve. Data e lëshimit të sistemit të ri me pagesë është ende e paqartë, por në javët e ardhshme “Facebook” do të nisë një fushatë për të nxitur përdoruesit të komunikojnë me ndërmarrjet me anë të “WhatsApp”-it.
Nga sot do të paguani për të folur me këtë aplikacion
