Autoriteti Kombëtar i Ushqimit ka sekuestruar 2 ton pije të skaduara në një nga pikat e shitjes me shumicë në qytetin e Korçës. Sipas “Top Channel” ndër mallrat e sekuestruara përfshihen: 1740 litër pije të ndryshme, çaj i ftohtë, pije të gazuara, por edhe 40 kg produkte ushqimore (patatina, çibuke) të skaduara.
Gjithashtu, në këtë subjekt u konstatuan produkte ushqimore pa kundraetikete ne gjuhen shqipe. Ndaj subjektit u morën masa administrative bazuar legjislacionit në fuqi si dhe u bë bllokimi i produkteve të skaduara deri në momentin e asgjësimit nga institucionet përkatëse.
Autoriteti Kombëtar i Ushqimit paralajmëron të gjithë qytetarët që të kontrollojnë datën e skadencës tek të gjitha produktet ushqimore në supermarket.
