Së shpejti do të ketë një edicion të ri të spektaklit “The Voice Kids 3” dhe spoti i ri sapo është publikuar.
Pjesë e tij do të jetë moderatorja Dojna Mema, e cila ka publikuar një video në Instagram, ku prezantohet si Voice-room reporter, pra do ta raportojë nga prapaskena e spektaklit.
Ndërkohë ajo që na shqetëson është se nuk po shohim asnjë gjurmë të Ledion Liços në ekran. Herën e fundit që dëgjuam për të ishte kur portali “Syri.net” publikoi një mesazh, të cilin Ledioni ia kishte dërguar stafit të “The Voice” duke i kërkuar ndjesë se do të duhet të ndërprisnin punën për shkak të pamundësisë ekonomike dhe problemeve me pagat.
Ledion Liço e ka mohuar të ketë dërguar një mesazh të tillë dhe ka thënë se kjo është veçse një sajesë. Megjithatë mbetet ende për t’u vërtetuar se sa të vërtetë janë këta zëra, deri në momenti që do të shohim sërish në ekran moderatorin, i cili do t’i japë fund beqarisë në muajin gusht, buzë liqenit Como në Itali.
