Ditën e sotme të gjithë u befasuam teksa në rrjetet sociale qarkulluan disa video ku dy këngëtarët e njohur, Ledri Vula dhe Dafina Zeqiri shfaqeshin në skenë duke u puthur dhe përqafuar. Ata kanë pasur së bashku një histori dashurie të cilës i kanë dhënë fund 6 vite më parë.
Historia e tyre e dashurisë është konsideruar si në një më të bukurat e showbiz-it shqiptar që adhurohej nga fansat e tyre të shumtë. Madje asokohe u përfol se ata e kishin zyrtarizuar me fejesë lidhjen e tyre.
Mirëpo në momentin që na dukeshin më të dashuruar se kurrë Ledri dhe Dafina i dhanë fund historisë së tyre të dashurisë duke i zhgënjyer të gjithë fansat e tyre. Në intervista të ndryshëm ata u shprehën se ndihen më mirë si shokë se sa si të dashur.
“Shumë më mirë të jemi si shokë. Dafinën e ka shumë shoqe. Më mirë funksionojmë kështu”, ka thënë Ledri në një intervistë.
Pas ndarjes secili prej tyre ka pasur lidhjet e veta, madje Dafina prej vitesh ka një histori dashurie me domeninakin Jose.
Mirëpo marrëdhënia e tyre u rikthye përsëri në qendër të vëmendjes pas skenave të nxehta që ata bënë mbrëmjen e djeshme gjatë një koncerti në Ulqin. Dafina bëri twerk para Ledrit, ndërsa ai i fshiu djersët dhe e puthi e përqafoi.
Pikërisht këto veprime kanë ndezur zërat e fansave të tyre të cilët po iu kërkojnë që ata të rikthen sërish bashkë.
Ledri dhe Dafina nuk janë i vetmi çfit të cilin fansat duan ta shohin bashkë, pasi ka edhe shumë personazhe të tjerë të njohur të cilët të gjithë ne do të na pëlqente t’i shikonim çift. Një ndër ta është edhe Elvana Gjata dhe Flori Mumajesi.
Ata janë përfolur vazhdimisht se kanë qenë në një lidhje, por asnjëherë asnjëri prej tyre nuk e ka pohuar apo mohuar publikisht këtë gjë. Në vitin 2015-të ka qenë Flori, i cili ka folur për herë të parë në lidhej me Elvanën duke thënë se ajo është një person shumë i rëndësishëm për të, por duke mos dhënë asnjë detaj më shumë.
“Elvanën e kam shumë për zemër”, ka thënë Flori asokohe.
Gati një vit pas kësaj deklarate në mediat rozë u përfol se Flori Mumajesi dhe Elvana Gjata i kishin dhënë fund bashkëpunimit mes tyre, duke nënkuptuar në një farë mënyre edhe lidhjes së tyre.
Pas kësaj ndarje, Elvana u vendos në SHBA ku nisi të punonte për t’u bërë pjesë e tregut ndërkombëtar, ndërsa Flori pak kohë më pas u vendos në Kosovë, ku u përfol se nisi edhe një lidhje dashurie me moderatoren Liberta Spahiu.
Ndërsa kohët e fundit në mediat rozë është përfolur se edhe Elvana ka nisur tashmë një lidhej të re, por nuk dihet asnjë detaj.
Pavarësisht të gjitha këtyre publiku shqiptar dhe sidomos fansat e tyre do të ishin shumë të lumtur që t’i shihnin në krahët e njëri-tjetrit.
Një dyshe tjetër e njohur të cilën publiku shqiptar do të dëshironte ta shihte sërish bashkë është edhe Roza Lati dhe Stine.
Ata kanë qenë të lidhur prej tre vitesh dhe nuk kanë nguruar që romancën e tyre ta bëjnë publike. Mirëpo edhe kjo lidhje nuk i rezistoi kohës dhe shumë shpejt ata u ndanë, madje Stine ka thënë asokohe se është një ndarje përfundimtare që nuk do të ketë më kthim pas.
Mirëpo rikthimi i tyre në vitin 2015 si partner në kërcim në spektaklin “Dancing with me”, ngjalli sërish dëshirën e publikut për t’i parë ata bashkë edhe në jetën reale. Mirëpo pavarësisht kësaj dëshire, duket se kjo është e pamundur duke qenë se Stine tashmë ka një histori tjetër dashurie dhe madje është bërë edhe baba.
Ndërsa Roza nëpërmjet disa postimeve në Instastory na ka treguar se është duke shijuar një histori dashurie me një mashkull, i cili nga imazhet e publikuara duket se i adhuron tatuazhet.
Adrian Gaxha dhe Luana Vjollca janë dy emra të cilat publiku shqiptar ka dashur t’i shikojë gjithmonë bashkë. Për një fare kohe u përfol se ata ishin në një lidhje dashurie, e cila nuk i rezistoi kohës.
Sipas aludimeve që qarkulluan asokohe në media kjo ndarje erdhi për mospërputhje interesash, dhe veçanërisht ato materiale.
Ndryshe nga çiftet e mësipërme, të cilët kanë ruajtur marrëdhënie miqësie mes tyre edhe pas ndarjes, Adriani dhe Luana pas ndarjes shkëputën çdo lidhje mes tyre.
Prej kohësh Luana po përflitet se është në lidhje me biznesmenin nga Kosova, Krenar Çoçaj, ndërsa për Adrianin nuk dihet ende ndonjë detaj në lidhje me jetën e tij sentimentale.
Një çifti tjetër për të cilin publikut i ka ardhur keq që janë ndarë dhe që do të dëshironin t’i shihnin sërish bashkë janë edhe balerina Klaudia Pepa dhe koreografi Albi Nako. Ata historinë e tyre të dashurisë e kurorëzuan edhe me martesë, por largimi i Klaudias drejt Italisë ndikoi edhe në krisjen e marrëdhënies së tyre.
Ata pranuan se ishin ndarë për shkak të largësisë dhe marrëdhënia e tyre nuk mund të funksiononte më, por gjithsesi kishin ngelur miq të mirë dhe do ta mbështesnin gjithmonë njëri-tjetrin.
Ndërsa për Klaudian ende nuk dihet asnjë detaj për jetën private, Albi Nako kohët e fundit po përflitet se ka nisur një histori dashurie me balerinën Alba Hoxha, por që asnjëri prej tyre nuk e ka pranuar.
\
*Kujdes! Ndalohet riprodhimi i këtij materiali pa lejen e redaksisë së Iconstyle.al
Burimi: Iconstyle.al
